.png)
Teuta nuk ka mundur të vazhdojë ëndrrën në Kupat e Evropës, pasi nuk ka arritur të kualifikohet në fazën e play-off-it në Ligën e Konferencës. Skuadra durrsake është mundur 2-0 në ndeshjen e kthimit, të luajtur në Elbasan Arena. Duke ditur rezultatin e ndeshjes së parë, humbjen minimale 1-0, durrsakëve iu duhej të paktën të shënonin një gol, për ta çuar ndeshjen në shtesë e më pas në goditjet e 11-metërshave. Por kjo gjë nuk ka ndodhur. Ndeshja nis mirë për Teutën që rrezikon. (16) Kallaku jep një asis perfekt për Seferin që gabon në mënyrë të pabesueshme duke e dërguar topin mbi traversë kur ndodhej vetëm pak hapa larg portës.
Kundërpërgjigjen miqtë (19) me anë të Gafenit por topi ndalet nga shtylla. Në 20’ Shamrok kalon në avantazh. Gafnei i shmanget Aleksit dhe para Frashërit nuk gabon duke çuar topin në rrjetë. Pas këtij goli të pësuar, misioni i Teutës drejt kualifikimit për më tej vështirësohet. (26) Daja, pas një kombinimi në krahun e djathtë me Seferin, hyn në zonë dhe provon të gjuajë, por gjen vetëm rrjetën e jashtme të portës irlandeze. Pak minuta më vonë është sërish (38) Daja që ka një tjetër mundësi të mirë. (45’+1) Në fund të pjesës së parë, aksion i gjatë i lojtarëve të Teutës që qarkullojnë topin para zonës kundërshtare. Topi shkon te Kallaku i cili provon nga jashtë zonës por duke gabuar plotësisht shënjestër.
Pjesa e dytë nis sërish me sulme të Teutës. Durrsakët sulmojnë (55) me Xhekson në krahun e majtë. Kalon një mbrojtës dhe gjen Vilën, por goditja me kokë e këtij rë fundit përfundon jashtë. Më pas është (56) Greis që bllokon gjuajtjen e kallakut brenda zonës pas një sulmi të bukur të teutës. Dhe në këto minuta të mira, Teuta ndëshkohet sërish. Përsëri (62) Gafny shënon. 2-0 për Shamrok.
Sulmuesi i skuadrës irlandeze shënon me një gjuajtje me të djathtën në hyrje të zonës duke befasuar mbrojtjen durrsake. (67) Një tjetër përpjekje e Kallakut dështon, pasi topi përfundon në duart e portierit të Shamrok. Megjithë ndërrimet e bëra nga trajneri Edi Martini, Teuta nuk arriti të shënojë në portën kundërshtare duke eliminuar nga Liga e Konferencës. Të njëtjin fat pati edhe LaçI, që u mund nga Anderlehti me rezultatin 2-1.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje