.png)
Një avion transportues ushtarak rus u rrëzua gjatë një fluturimi provë jashtë Moskës, njoftuan agjencitë e lajmeve të martën.
Videot e incidentit të dyshuar të shpërndarë në mediat sociale, tregojnë se avioni u përmbys në njërën anë dhe ra në tokë, pasi motori i tij i djathtë mori flakë gjatë uljes.
Dy pilotë testues dhe një inxhinier fluturimi ishin në aeroplan dhe fati i tyre është ende i paqartë, tha korporata. Një operacion shpëtimi është duke u zhvilluar, por dyshohet se ata kanë vdekur në vend.
Agjencia e mbrojtjes Rostec, konfirmoi aksidentin për “The Moscow Times” dhe tha se do mblidhej një komision i brendshëm për të hetuar incidentin.
Latest: A new Russian Ilyushin IL-112V aircraft currently in development & undergoing flight testing has crashed on the outskirts of Moscow, following a fire.
— Alex Macheras (@AlexInAir) August 17, 2021
Unbelievably, the final moments of the flight were filmed.
pic.twitter.com/gpuDcC75bg
Rostec shtoi se avioni ishte eksperimental dhe ishte ende në fazat e testimit. Duke cituar burimet e saj, agjencia shtetërore e lajmeve “RIA Novosti”, tha se zjarri në motor ishte shkaku paraprak i rrëzimit në bazën ajrore Kubinka në rajonin e Moskës.
TASS raportoi se gabimi i pilotit dhe dështimi i pajisjeve, janë gjithashtu ndër shkaqet që po hetohen. Avionët e lehtë të transportit ushtarak janë krijuar për transportin dhe hedhjen me parashutë të armëve dhe pajisjeve të lehta, ngarkesave dhe personelit ushtarak.
Faqja e internetit e Ilyushin, thotë se Il-112V është në gjendje të zbresë automatikisht në aerodromë të caktuara dhe ka qasje manuale të uljes.
Zëvendëskryeministri Yury Borisov, tha muajin e kaluar se Rusia po lëvizte për të zgjidhur çështjet me Il-112V, përfshirë peshën e saj të madhe, sipas RIA Novosti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje