.png)
Maqedonia e Veriut ka regjistruar të premten 24 të viktima me Covid-19, një shifër rekord që nga paraqitja e valës së re të infektimeve në dy muajt e fundit.
Sipas raportit të Ministrisë së Shëndetësisë, viktimat janë regjistruar në Shkup (6), Kumanovë (5), Tetovë (4), Kërçovë (3), Gostivar (2) dhe nga një në qytetet e Manastirit, Ohrit, Strumicës dhe Valandovës.
Sa i përket të infektuarve, nga 4.982 teste të kryera janë regjistruar 1.074 të infektuar me koronavirusin e ri, apo 14.2 për qind nga numri i të testuarve.
Më shumë raste janë shënuar në Shkup, Tetovë, Gostivar, Kumanovë dhe Strumicë.
Në Maqedoninë e Veriut deri më tani jan ë regjistruar 166 mijë raste me Covid-19, prej të cilëve, 5.632 persona kanë vdekur. Vendi fqinj ka 9417 raste aktiv.
Ministria e Shëndetësisë, në një raport të publikuar për dy javët e fundit, ka bërë të ditur se në këtë periudhë janë infektuar me COVID-19 9.881 qytetarë, nga të cilët, 1.507 ishin të vaksinuar me nga dy doza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje