.png)
Numri i të vdekurve të shkaktuar nga kalimi i uraganit ‘Grace’ në shtetin meksikan të Veracruz, është rritur në të paktën nëntë persona, ndërsa numri i të zhdukurve mbetet në tre.
Kjo u njoftua nga guvernatori i shtetit, Cuitláhuac García Jiménez. Ndërkohë, puna e ekipeve të shpëtimit vazhdon, ndërsa gjendja e jashtëzakonshme mbetet ende në fuqi. Jiménez ftoi popullsinë të strehohet në zonat më të larta.
Shtatë prej viktimave i përkisnin të njëjtës familje dhe u groposën në shtëpinë e tyre nga rrëshqitjet e dheut në qytetin e Poca-Rikës.
Rrugët e qyteteve të tjera u mbytën nga balta dhe shumë banesa të rajonit mbetën pa energji elektrike, përpara se uragani ta humbte fuqinë me të hyrë në brendësi të Meksikës.
Ndërkohë, tetë viktima të tjera u raportuan edhe në Amerikë, në shtetin juglindor të Tenesit. Shkak u bënë përmbytjet të cilat kanë lënë disa të zhdukur në qytezën Hamfri nga reshjet që arritën lartësinë 43 cm në 24 orë.
Edhe në brigjet verilindore të Amerikës, banorët u përgatitën prej rrezikut nga uragani ‘Henri’. Goditjen më të fortë pritet ta marrin të dielën ishujt në shtetin e Nju-Jorkut, shteti i Konektikatit dhe i Masaçusetsit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje