.png)
Talebanët dyshohet se po rrëmbejnë fëmijët e funksionarëve që marrin pjesë në rezistencën e organizuar kundër tyre në male dhe lugina në veri të Kabulit.
Kjo është ajo që raportojnë katër zyrtarë. Khair Mohammad Khairkhwa, ish-shefi i inteligjencës në krahinën Balkh, Abdul Ahmad Dadgar, një udhëheqës tjetër i kryengritjes dhe dy zyrtarë të tjerë anonimë, thonë se luftëtarët sulmuan shtëpitë, duke i djegur ato, ndërsa i merrnin fëmijët me vete si pengje.
Në veri të kryeqytetit, një rezistencë e organizuar po lufton nën flamurin e “Revoltës Popullore”. Dhe pikërisht kundër këtyre rezistencave, sipas zyrtarëve, “hakmarrja” e talibanëve sapo ka nisur.
Rezistenca në malet dhe luginat në veri të Kabulit, ka bërë që një grup luftëtarësh anti-talebanë të marrin kontrollin e disa rretheve rurale.
Luftimet shpërthyen në provincën Baghlan, rreth 120 kilometra në veri të Kabulit: forcat e organizuara nën flamurin e “Revoltës së Popullit” morën nën kontroll tre rrethe rreth Luginës Andarab, të vendosura në vargmalin e afërt Hindu Kush. Al Panshir, provinca e vetme, ende nuk është nën kontrollin e talebanëve.
Detajet e luftimeve mbeten të pasigurta, por kjo është rezistenca e parë e organizuar që ngrihet kundër talebanëve, pasi goditja e tyre në vend, në më pak se një javë, i lejoi ata të marrin kontrollin e pjesës më të madhe të Afganistanit dhe të arrijnë në kryeqytet.
Të dielën, talebanët vendosën luftëtarë për të nisur një ofensivë të mundshme në atë zonë: ata postuan një video në internet, ku shfaqen luftëtarët, përfshirë forcat e tyre speciale, duke u përgatitur për të udhëtuar në zonë, ndoshta për të luftuar kundër forcave të “Revoltës Popullore”.
Nga ana tjetër, talebanët kanë akuzuar SHBA-të dhe aleatët për kaosin në aeroportin e Kabulit. Në një video të publikuar në rrjetet sociale, ata thonë se situate e shkaktuar ka ardhur si pasojë e premtimeve të amerikanëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje