.png)
Komenti i një dite më parë i Kryeministrit Edi Rama, që akuzonte se kritikuesit e koncertit të këngëtarit serb, Goran Bregoviç në Korçë për qëndrime të pabaza, mesjetare e fashiste e vuri kreun e Qeverisë përballë kundërakuzave që thonin se po krahasonte Dua Lipën me Bregoviçin.
Këtyre akuzave Rama iu përgjigj me një koment të shkurtër, ku thotë se fjalët e tij po deformohen qëllimisht.
“Ashtu siç bënë Bregoviçin kriminel serb pa asnjë fakt, tani sokëllijnë që unë paskam barazuar Dua Lipën me të! Dhe histeria vazhdon por jo, unë nuk kam barazuar hiçfare Dua Lipën me Goran Bregoviçin, po kam thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip, artistët e sportistët me emër të palës tjetër!”, thotë ai.
Rama këmbëngul se kjo është “histeri fashiste që as nuk e mbron, as e nderon, po vetëm e turpëron shqiptarinë, e cila s’mund të jetë kurrë shembëlltyrë e urrejtjes!”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje