.png)
Skuadrat e Premier League nuk do të lejojnë lojtarët e tyre që t’u bashkohen ekipeve kombëtare për ndeshjet e shtatorit për shkak të rregullave anti-Covid në kthim, që i detyrojnë këta lojëtarë që të bëjnë karantinë 10-ditore.
Nëse nuk bëhen përjashtime nga karantina, klubet thonë se lojtarët do të detyrohen të humbasin disa ndeshje të ligës vendase për shkak të periudhës 10-ditore të izolimit të kërkuar që kërkohet me të hyrë në Britaninë e Madhe.
Shoqata e Futbollit dhe Premier League janë në bisedime me autoritetet vendimmarrëse për të parë mundësinë e zbutjes së këtyre rregullave. Probleme të ngjashme mund të kenë edhe klube të tjera në Europë.
Liverpooli është ndër klubet që refuzoi të lejojë lojtarët e vet që t’u bashkoheshin kombëtareve në ndeshje që mund të jenë vendimtare për kualifikimin e tyre në Kupën e Botës.
Katër lojtarë të “The Reds” janë ndaluar, sulmuesi i Egjiptit Mohamed Salah dhe treshja e Brazilit Alisson, Fabinho dhe Roberto Firmino, të gjithë sepse vendet e tyre janë në listën e kuqe të Britanisë së Madhe.
Shoqata Egjiptiane e Futbollit tha në faqen e saj në internet se Liverpool-i i kishte kërkuar falje për këtë vendim dhe se e kishte sqaruar në lidhje me rregullin e karantinës si pengesa e vetme dhe asnjë arsye tjetër.
“Shoqata Egjiptiane e Futbollit ka marrë një letër nga Liverpool duke kërkuar falje për pamundësinë e lojtarit të saj, Mohamed Salah, për t’u bashkuar me ekipin kombëtar në përballjen me Angolën në Kajro dhe Gabonin në Franceville gjatë ndeshjes së parë dhe raundet e dyta të kualifikimeve të kontinentit afrikan për Kupën e Botës “.
Sidoqoftë, Liverpooli ka konfirmuar se mund ta lejojë që Salah të luajë në ndeshjen jashtë fushe kundër Gabonit, për shkak se ky i fundit nuk bën pjesë në listën e kuqe të vendeve ku karantina është e detyrueshme.
Nga këto vendime preket më shumë skuadra e Brazili, që ka plot nëntë lojtarë të Premier League. Ai do të luajë me Argjentinën, Kilin dhe Perunë në kualifikueset e muajit të ardhshëm. Të katër vendet aktualisht janë në listën e kuqe të Mbretërisë së Bashkuar.
Në total janë rreth 100 lojtarë që luajnë në Angli që mund t’u ndalohet nga klubet e tyre pjesëmarrja në ndeshjet e kombëtareve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje