.png)
“Ne nuk ndjekim askënd, nuk ndjekim askënd, nuk ka pasur aksidente në asnjë pjesë të vendit. Ne nuk kemi asnjë listë. Ne duam të sjellim paqe dhe siguri në vendin tonë”, tha zëdhënësi i talebanëve Zabihullah Mujahid në një konferencë për shtyp.
“Talibanët nuk do të lejojnë që qytetarët afganë të arrijnë në aeroportin e Kabulit, njerëzit duhet të shkojnë në shtëpi”, shtoi ai
“Ne u kërkuam amerikanëve të mos inkurajojnë afganët të largohen. Ne kemi nevojë për aftësitë e tyre,” vijoi ai.
“Emirati Islamik po përpiqet të kontrollojë situatën” në aeroportin e Kabulit.
“Rruga për në aeroport është mbyllur, afganët nuk mund të shkojnë më atje, të huajt munden. Ne i kemi parandaluar qytetarët afganë të shkojnë atje sepse ekziston rreziku i humbjes së jetës për shkak të turmës, dhe amerikanët po bëjnë diçka ndryshe, kur ka një turmë ata qëllojnë dhe njerëzit vdesin. Ata vrasin njerëz. Ne duam që afganët të jenë të sigurt nga kjo”
“Unë nuk mendoj se ne do ta zgjasim afatin. 31 gushti është një plan amerikan që ata kanë vendosur. Ata i kishin të gjitha mundësitë dhe të gjitha burimet për të hequr të gjithë njerëzit që deshën. Ne nuk do ta zgjasim afatin”
Talibanët mund të mbyllin aeroportin e Kabulit me forcë nëse SHBA dhe aleatët e saj përpiqen të zgjasin afatin e 31 gushtit për të përfunduar evakuimet, tha ministri britanik i mbrojtjes Ben Wallace në një intervistë me BBC disa orë para samitit të G7 mbi Afganistanin.
“Talibanët – vuri në dukje ai – kanë thënë tashmë se një zgjatje do të kishte ‘pasoja’… këto mund të shkojnë nga parandalimi i njerëzve që të arrijnë në aeroport deri te aktivitetet ushtarake që mund të mbyllin potencialisht aeroportin”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje