.png)
Mjekët që i shpëtuan jetën Kristian Eriksenit gjatë Euro 2020 dhe kapiteni i Danimarkës, Simon Kjaer, do të nderohen me “Çmimin e Presidentit” nga UEFA. Vlerësimi bëhet për të gjithë ata persona që e shpëtuan lojtarin danez, i cili u godit nga një arrest kardiak gjatë ndeshjes Danimarkë-Finlandë në “Parken Stadium” të Kopenhagenit, më 12 korrik.
Falë gatishmërisë dhe eksperiencës të stafit mjekësor, – shkruan UEFA në faqen e saj, – Eriksen u rikthye në jetë në fushë dhe sot është drejt rikuperimit. Çmimi shkon edhe për kapitenin Simon Kjaer, për shpejtësinë në dhënien e ndihmës për Eriksenin dhe për lidershipin e treguar.
Presidenti i UEFA-s, Aleksander Ceferin, ka thënë se është një vlerësim për rezultatet e jashtëzakonshme, aftësitë e shkëlqyera profesionale dhe vlerat njerëzore ekzemplare. “Ata janë heronjtë e vërtetë të Euro 2020. Për mua është një nder i madh t’u dorëzojë atyre Çmimin e Presidentit të UEFA-s.
Ky çmim do të na kujtojë gjithmonë se jeta është gjëja më e rëndësishme. Dua t’i përcjell urimet më të mira Kristian Eriksenit dhe familjes së tij”, – ka thënë mes të tjerash presidenti i UEFA-s, Ceferin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje