.png)
Një para mbylljes së saj, merkatoja është ndezur. Real Madrid po bën të gjitha përpjekjet për blerjen e Kilian Mbape, i cili vazhdon të refuzojë rinovimin me PSG-në. Së fundi ai ka thënë se “Ligue 1 nuk është kampionati më i mirë në botë”.
Sipas profilit zyrtar në Tuiter të “El Chiringuito”, shumë afër zhvillimeve në klubin madrilen, Florentino Perez ka konfirmuar se i ka bërë një ofertë prej 160 milionë eurosh PSG-së për sulmuesin francez. Presidenti i Realit ka kërkuar gjithashtu leje për të folur me vetë lojtarin dhe njerëzit e tij të afërt.
Mbape ka refuzuar të paktën 6 propozime për rinovimin gjatë muajit të fundit. Ai ka dashur të fitojë kohë, duke synuar që peshorja të anojë nga ana e Madridit. Oferta e Perezit konfirmohet vetëm pak orë pasi “RMC” bëri me dije se klubi parisien la të hapur mundësinë e shitjes së Mbape, pas refuzimeve të vazhdueshme të këtij të fundit për rinovimin e kontratës që i skadon në qershor të 2022-shit.
🚨EXCLUSIVA MUNDIAL de @elchiringuitotv🚨
— El Chiringuito TV (@elchiringuitotv) August 24, 2021
El REAL MADRID CONFIRMA que ha hecho una OFERTA al PSG por MBAPPÉ de 160MILLONES de EUROS y ha pedido PERMISO para HABLAR con el jugador o su entorno.
¡Programón histórico a las 12 de la noche con @jpedrerol en MEGA! pic.twitter.com/4aR1x8RQJJ
Reali ka bërë lëvizjen e parë konkrete për të marrë sulmuesin që tani, duke mos pritur që ai të lirohet me parametro zero. Është një lëvizje e e rëndësishme, prej 160 milionësh. Merkatoja ndizet një javë para gongut për mbylljen e saj. Në lojë është e ardhmja e shumë lojtarëve big, mes tyre edhe Kristiano Ronaldo, që mund të marrë pikërisht vendin e Mbape në tredhëmbëshin e PSG-së me Mesin dhe Nejmarin.
Lajmi për sulmin e Realit për të marrë Mbape konfirmohet edhe nga mediet franceze, që shtojnë edhe detaje të tjera. Sipas “RMC Sport” dhe “TF1”, klubi spanjoll vërtet ka bërë një ofertë prej 160 milionë eurosh, por PSG-ja e ka refuzuar atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje