.png)
Ekziston një rrezik i lartë i sulmeve të ISIS-it në aeroportin e Kabulit në Afganistan. Alarmi u ngrit nga shërbimet e inteligjencës amerikane, Britanisë së Madhe dhe Gjermanisë.
Ndërkohë koha po mbaron. Ka mbetur pak kohë për të lënë Afganistanin deri më 31 gusht, që është caktuar si data e tërheqjes së trupave perëndimore.
Megjithatë, Sekretari Amerikan i Shtetit, Antony Blinken, hap një dritare: “Talebanët janë zotuar të lejojnë amerikanët dhe afganët të largohen në rrezik edhe pas gushtit”.
Evakuimi i civilëve nga aeroporti i Kabulit është gati të përfundojë, për të lënë ditët e fundit në dispozicion para 31 gushtit për tërheqjen e ushtrisë perëndimore.
Trupat amerikane – si ato italiane, kanadeze dhe turke – tashmë kanë filluar të kthehen, duke zvogëluar në mënyrë efektive shanset që ata 10 mijë afganë akoma të grumbulluar rreth aeroportit të jenë në gjendje të hipin në një fluturim. “Ne po garojmë me kohën”, – shprehen zyrtarë ushtarakë të Pentagonit.
Mësohet 007-at në Uashington, Londër dhe Berlin, paralajmërojnë se aeroporti afgan është përballur me një kërcënim gjithnjë e më konkret dhe “të afërt” të sulmeve vetëvrasëse nga dega aziatike e Shtetit Islamik, i ashtuquajturi Isis-Khorasan, armiku i betuar i talebanët, të gatshëm për të krijuar kaos në mes të tërheqjes nga NATO.
Burimet antiterroriste amerikane, i thanë CNN-it se ISIS mund të mbështetet në qindra xhihadistë të ikur nga burgjet në Bagram dhe Pul-e Charkhi, përfshirë “veteranët e Sirisë dhe luftëtarët e tjerë të huaj”
Edhe qeveritë britanike dhe australiane, duke folur për një kërcënim terrorist në Aeroportin Ndërkombëtar Hamid Karzai të Kabulit, u bënë thirrje qytetarëve të tyre që të largohen menjëherë, ashtu siç bëri edhe ambasada amerikane në Kamboxhi më herët, pa shpjeguar asryen.
Më shumë se 82,300 njerëz janë evakuuar nga Kabuli deri më tani, por të paktën 300,000 janë në rrezik të hakmarrjes së talibanëve, duke llogaritur vetëm ish-bashkëpunëtorët e NATO-s.
Uashingtoni po përpiqet gjithashtu të marrë 250 magjistratë – me familjet e tyre – të cilët, pavarësisht se nuk kanë punuar drejtpërdrejt me amerikanët, në të kaluarën kishin dhënë dënime të rënda kundër talebanëve. “Ata po na ndjekin shtëpi më shtëpi”, ishte alarmi i ngritur nga një gjykatës në provincën e Heratit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje