.png)
Dy shpërthime të fuqishme kanë ndodhur në hyrjen e portës Abbey, në aeroportin e Kabulit, ku operojnë trupat amerikane dhe britanike. Mediat ndërkombëtare raportojnë se bëhet fjalë për një sulm kamikaz, ku kanë humbur jetën të paktën 90 persona dhe janë plagosur 140 të tjerë në mesin e civilëve afganë. Mes viktimave raportohet edhe për dhjetëra fëmijë.
Sipas televizionit amerikan “Fox News”, i cili citon zyrtarë ushtarakë të SHBA-ve, në mesin e të vdekurve nga shpërthimet, kanë humbur jetën të paktën edhe 12 ushtarë amerikanë, ndërsa 15 të tjerë janë plagosur.
Sulmi është marrë përsipër nga dega e Shtetit Islamik afgan, e quajtur ndryshe ISIS-Khorasan, e cila lufton kundër talebanëve.
Lajmi u konfirmua edhe nga sekretari i shtypit të Pentagonit, John Kirby në Twitter. Pas hedhjes në erë nga një kamikaz, ka nddodhur një shpërthim i dytë, i cili u pasua edhe nga disa të shtëna me armë zjarri.
Lajmi vjen në një kohë kur disa vende Perëndimore kanë njoftuar se do t’u japin fund fluturimeve të evakuimit pas paralajmërimeve për sulme të mundshme.
Paralajmërimi u dha nga disa shtete, përfshirë Mbretërinë e Bashkuar. Afganëve që u mblodhën rreth aeroportit ndërkombëtar të Kabulit, “Hamid Karzai”, iu tha që të largoheshin dhe të lëviznin në një vend të sigurt.
Të gjitha hyrjet e aeroportit të Kabulit, ku kontrolloheshin dokumentet e mijëra civilëve që iknin nga Afganistani, u mbyllën pas sulmit vetëvrasës.
🇦🇫🇬🇧⚡Explosion #Video appears to have happened near Baron Hotel across from Kabul airport. Baron was used largely by British forces. Many injured.#Afghanistan #KabulAiport pic.twitter.com/ZLfbU5vQzq
— BWF Military News (@MilitaryBWF) August 26, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje