.png)
Në Rinas, për të pritur grupin e parë prej 121 afganësh të mbërritur nga Kabuli, ishte edhe ambasadorja amerikane në Tiranë, Yuri Kim.
Përmes një postimi në rrjetet sociale, diplomatja amerikane ka falënderuar Shqipërinë për vendimin e strehimit të tyre.
Kim shkruan se Shqipëria i ofroi edhe një herë mikpritje dhe mbrojtje njerëzve që kanë nevojë më të madhe.
“Ministrja Olta Xhaçka dhe unë mirëpritëm grupin e parë të afganëve që kërkonin strehim të përkohshëm në Shqipëri. Siç kanë bërë gjithmonë, populli i Shqipërisë edhe një herë u ofron mikpritje dhe mbrojtje atyre në nevojë më të madhe, – shprehet ambasadorja. – Ne jemi krenarë t’ju quajmë një mik dhe aleat. Faleminderit”, – përfundon Yuri Kim në Twitter.
Gjithsej 121 afganë kanë mbërritur në Shqipëri pak minuta pas orës 03:00 të mëngjesit të së premtes. Mes tyre ka fëmijë dhe gra, por edhe të moshuar.
Shqipëria ka pranuar të strehojë rreth 4000 afganë përkohësisht, deri në largimin e tyre përfundimisht drejt SHBA-ve
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje