.png)
Asnjë prej tre kandidatëve që rivalizuan Lulzim Bashën në garën për kryetar të Partisë Demokratike dhe asnjë prej kritikëve që i dolën kundër pas 25 prillit nuk do të jetë në drejtim të strukturave të partisë dhe as në pozicionet që i takojnë opozitës në Kuvend.
Dy nënkryetarët, Edi Paloka dhe Edmond Spaho do të largohen nga këto pozicione. Të dy ata patën vërejtje për analizën e rezultatit zgjedhor të hartuar nga Sekretari i Përgjithshëm, Gazment Bardhi, ku qarqet Korçë dhe Durrës bënin pjesë te qarqet që nuk kishin kapur objektivin minimal.
Tjetër ndryshim në këto pozicione është edhe shtimi nga dy në katër i nënkryetarëve. Emrat e rinj do të jenë Enkelejd Alibeaj, që njëkohësisht do të propozohet edhe për postin e nënkryetarit të Kuvendit dhe Alfred Rushaj. Jorida Tabaku dhe Grida Duma do të jenë dy nënkryetaret e tjera.
Veç pozicionit si nënkryetar, Alfred Rushaj do të zëvendësojë Edmond Spahon edhe si kryetar grupi parlamentar. Spaho e mbante këtë pozicion deri para djegies së mandateve nga ana e opozitës. Nënkryetarët e tij në këtë grup do të jenë Ervin Salianji dhe Luçiano Boçi.
Bujar Nishani do të zëvendësohet në krye të Këshillit Kombëtar nga Edi Paloka, ndërsa te ndarja e komisioneve parlamentare, Agron Shehaj humbet postin te ai i ekonomisë, që e mbante para djegies së mandateve. Vendin e tij do ta zerë Sorina Koti. Ndërkohë, Oerd Bylykbashi do të rikthehet te ligjet, Flamur Noka te Siguria Kombëtar, Tomor Alizoti te politika e jashtme dhe Sorina Koti te ekonomia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje