.png)
Një emigrant i frymëzuar nga grupi Shteti Islamik goditi me thikë gjashtë persona në një supermarket në Zelandën e Re të premten, para se policia, që ishte në ndjekje të tij, ta qëllonte për vdekje, tha kryeministrja Jacinda Ardern.
Zonja Ardern tha se autori i sulmit, një shtetas i Sri Lankës, i cili emigroi në Zelandën e Re në vitin 2011 dhe ishte në listën e mbikqyrjes për terrorizëm, hyri në një qendër tregtare në qytetin Auckland, mori një thikë nga dyqani dhe filloi të sulmonte njerëzit.
Ajo tha se gjashtë persona u plagosën, tre prej tyre në gjendje kritike, para se policia që po e monitoronte, të hapte zjarr brenda 60 sekondave nga fillimi i sulmit.
“Ajo që ndodhi sot ishte e neveritshme, një ngjarje e urryer dhe veprim i gabuar,” tha kryeministrja duke shtuar se ngjarja nuk kishte përfaqësonte asnjë besimi apo komunitet.
E pyetur për motivet e sulmuesit, ajo tha: “është një ideologji e dhunshme dhe e frymëzuar nga ISIS-i”.
Komisioneri i policisë Andrew Coster tha se autoritetet ishin të sigurta se sulmuesi po vepronte i vetëm dhe nuk kishte asnjë rrezik të mëtejshëm për komunitetin.
Sulmi më i rëndë terrorist në Zelandën e Re ndodhi në mars të vitit 2019 në një xhami në Christchurch, kur një person i armatosur, supremacist i bardhë, vrau 51 besimtarë myslimanë dhe plagosi rëndë 40 të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje