.png)
Hera e fundit që Monika Kryemadhi u shfaq në publik ishte në kampin e LRI-së në Jalë, në fund të muajit gusht, por pa mbajtur asnjë fjalim apo përcjellë ndonjë mesazh.
Por në 17 vjetorin e themelimit të LSI-së, Kryemadhi që mban ende detyrën e kryetares së partisë, është detyruar të përcjellë një mesazh krejt të shkurtër, ndryshe nga herët e tjera kur festa nuk mbyllej me kaq
“Gëzuar ditën e LSI. Për të gjithë ju djem dhe vajza, burra e gra, për të gjithë ju që e doni, keni luftuar dhe vazhdoni të luftoni për atë çfarë LSI përfaqëson.
Misioni vazhdon”, shkruan Kryemadhi.
LSI mori 4 mandate në zgjedhjet parlamentaretë 25 Prillit.
Ajo u krijua në 6 shtator 2004. Kryetar LSI-së që nga themelimi ishte Ilir Meta por me zgjedhjen e këtij të fundit si Presidenti i Shqipërisë në krye të partisë ne prill 2017 u emerua Petrit Vasili.
Pas rezultateve të zgjedhjeve të 25 qershorit 2017, dhe dorëheqjes së Vasilit, kryetare u zgjodh Monika Kryemadhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje