Izrael, lideri i Al Fatah arratiset nga burgu i sigurisë së lartë përmes një tuneli (Foto-Video)

Zacharia Zubeidi, udhëheqësi karizmatik i një milicie të fraksionit Al-Fatah, aktive në Bregun Perëndimor në intifadën e dytë, u arratis të dielën mbrëma nga burgu izraelit i Gilboas me pesë të dënuar të tjerë, të përcaktuar si “terroristë” nga radio ushtarake.

Sipas transmetuesit, të burgosurit palestinezë gërmuan një tunel nën kullën e vëzhgimit të burgut për muaj dhe arritën të dilnin në një rrugëkalim aty pranë.

Arratisja u zbulua të hënën në mëngjes shumë orë me vonesë dhe nuk dihet nëse të arratisurit u nisën drejt Bregut Perëndimor aty pranë, Jordanisë apo nëse ata janë akoma në territorin izraelit. Ndërkohë që policia dhe ushtria kanë nisur operacionin për kapjen e tyre.

Helikopterë dhe dronë po përdoren për të gjetur gjashtë të arratisurit palestinezë, pesë prej të cilëve janë anëtarë të Xhihadit Islamik të dënuar me burgim të gjatë për kryerjen e sulmeve. Njësitë antiterroriste dhe njësitë elitare të ushtrisë izraelite, gjithashtu po marrin pjesë në gjuetinë e të arratisurve.

Lajmi për arratisjen e bujshme ka ngjallur reagime entuziaste në faqet e internetit palestineze. Sidoqoftë, një nga të parët që reagoi ndaj ngjarjes, ishte një zëdhënës i Hamasit, Fawzi Barhum. “Kthimi në liri i gjashtë të burgosurve pavarësisht nga të gjitha masat e sigurisë, – deklaroi ai nga Gaza, – përfaqëson një akt heroizmi. Është një sukses për të gjithë të burgosurit palestinezë dhe një sfidë ndaj sistemeve të sigurisë izraelite që pretendojnë të jenë më të mirat në botë”.

Sipas mediave lokale, ushtria izraelite tani ka ngritur gjendjen e saj të gatishmërisë. Kreu i brigadave Al Aqsa në Xhenin, në veri të Bregut Perëndimor, Zubeidi ende ka në fytyrë shenjat e eksplozivëve që i mbetën kur i shpërtheu një bombë, ndërsa ai ishte duke e ndërtuar atë. Në vitin 2019, Zubeidi u arrestua nga Shin Bet “për veprimtari terroriste”.

Pasi u bë politikan nga një udhëheqës i armatosur, Abu Mazen gjithashtu u shqetësua për popullaritetin dhe karizmën e tij, si një djalë që kishte vepruar në shkollën teatrore të krijuar në Xhenin nga aktivistja izraelite, Arna Mer-Khamis.

שלושה מהאסירים הביטחוניים הוגדרו בסיכון גבוה לבריחה • זו המנהרה דרכה נמלטו מכלא גלבוע | מבזק מיוחד בכאן 11@moyshis, אורלי אלקלעיhttps://t.co/X9Y1iWfmrd pic.twitter.com/EU4qpxujD5

— כאן חדשות (@kann_news) September 6, 2021

Autoritetet Palestineze e kishin mbyllur atë për një kohë në burgun e Xherikos. Komandantët e përcaktojnë arratisjen nga Gilboa, në rajonin e Detit të Galilesë, is “një nga incidentet më serioze në historinë e burgjeve” dhe pikat e kontrollit janë ngritur në të gjithë veriun e vendit.