.png)
Ministri rus i Emergjencave Civile, Yevgeny Zinichev, ka humbur jetën në mënyrë tragjike gjatë një seance stërvitore në Arktik këtë të mërkurë.
Mediat e huaja raportonjnë se 55-vjeçari Zinichev, i cili kishte kryesuar ministrinë e Emergjencave Civile që nga viti 2018, vdiq ndërsa tentoi të shpëtonte jetën e dikujt tjetër.
Mediat ruse shkruajnë se “Zinichev vdiq në mënyrë tragjike gjatë kryerjes së detyrave të tij zyrtare gjatë stërvitjeve ndër-departamentale për të parandaluar situatat e krizës në Arktik, duke tentuar të shpëtojë jetën e dikujt”.
Mësohet se një kameraman kishte rënë nga një shkëmb gjatë një interviste televizive.
“Ai dhe kameramani ishin buzë një shkëmbi. Kameramani rrëshqiti dhe ra në ujë”, – tha Margarita Simonyan, drejtuese e rrjetit televiziv rus, RT.
Zinichev nxitoi për ta shpëtuar dhe vdiq, pasi u përplas me një shkëmb. Kameramani dhe regjisori i filmit Alexander Melnik, 63 vjeç, vdiq gjithashtu.
Melnik ishte regjisor dhe skenarist filmash. Ai po planifikonte një dokumentar mbi zhvillimin e Arktikut dhe Rrugës së Detit Verior të Rusisë.
Ndërkohë, Zinichev ishte në Arktik për të mbikëqyrur stërvitjet në shkallë të gjerë, ku dhe vizitoi vendin e ndërtimit të një stacioni të ri zjarrfikës në Norilsk.
Para se të bëhej ministër, Zinichev kishte qenë zëvendësdrejtor i Shërbimit Federal të Sigurisë dhe ushtrues i detyrës së guvernatorit rajonal të Kaliningradit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje