.png)
Vllaznia në futboll për fremra ka mbyllur sot aventurën e saj në Ligën e Kampionëve. Skuadra shkodrane është eliminuar nga një emër i madh, si Juventusi, por duhet theksuar se ka bërë një paraqitje dinjitoze, duke dalë me kokën lart nga kompeticioni më i rëndësishëm në rang klubesh.
Në ndeshjen e kthimit të luajtur sot në Torino, Vllaznia është mundur me rezultatin e ngushtë, 1-0. Golin e vetëm të ndeshjes e shënoi Staskova në pjesën e parë. Ndeshja e parë e luajtur në stadiumin “Loro Boriçi” kishte përfunduar po me fitoren e Juventusit, me rezultatin 0-2.
Në turin e parë vajzat e Vllaznisë eliminuan me penallti Ferencvaroshin, ndërsa përballë Juventusit e kishin të pamundur të kualifikoheshin. Shkodranet e nisën ndeshjen me këtë formacion: Buhigas, Ramadani, Gjini, Maliqi, Franja, Curraj, Halilaj, Berisha, Doçi, Levenaj, Krasniqi. Trajneri Leka bëri vetëm dy ndërrime, duke hedhur në fushë Lufon dhe Zarkan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje