.png)
Ndeshja e së dielës mes Romës dhe Sasuolos do të jetë e veçantë për Zhoze Mourinjon. Trajneri i njohur do të arrijë kuotën e 1000 ndeshjeve si profesionist dhe agjencia portugeze e lajmeve, “Lusa”, e ka intervistuar në prag të ndeshjes së rekordit.
“Objektivi është gjithmonë të fitoj ndeshjen e radhës, por sidoqoftë nuk kam menduar kurrë për të arritur këtë objektiv. Nuk i kam numëruar kurrë ndeshjet, apo të shqetësohem për këtë gjë. Kur më thanë se më duheshin edhe 8-9 ndeshje, atëherë e kuptova dhe nisa të bëj llogaritë”, – është shprehur Mourinjo, i cili ka drejtuar Porton, Çelsin, Real Madridin, Interin, Mançester Junajtid, Totenhemin dhe tashmë Romën.
Numrat, në fakt, janë impresionues. “Nëntëdhjetëmijë minuta, plus shtesat, janë shumë, por nuk kam ndryshuar në esencën time apo si trajner. Gjithçka që ndodh më duket si një “déjá vu”, duket se më ka ndodhur më parë dhe asgjë nuk më surprizon. Në fund të fundit, kjo është vlera e eksperiencës, një kapital që shumë tentojnë ta zhvlerësojnë, por që si në futboll, ashtu edhe në jetë, ka një vlerë të madhe”, – ka shtuar Mourinjo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje