.png)
Vizita e Kancelares Angela Merkel në Tiranë të martën parashikohet që të zgjasë rreth pesë orë dhe në agjendë është parashikuar edhe në takim kokë më kokë me Kryeministrin Edi Rama.
Në orën 10:20 nis ceremonia e pritjes në Pallatin e Brigadave dhe fill pas kësaj ceremonie një takim kokë më kokë me Kryeministrin Edi Rama. Takimi pritet që të zgjasë rreth 30 minuta, për t’i hapur rrugën takimeve dypalëshe të delegacioneve përkatëse.
Pas këtij takimi, Rama e Merkel do të nisen pranë Aeroportit të Rinasit, ku ndodhet Tirana Business Park. Këtu do t’u bashkohen edhe krerët e qeverive të tjera të Ballkanit Perëndimor, me përjashtim të Serbisë.
Në agjendën e kancelares janë parashikuar takime kokë më kokë me udhëheqësit e vendeve të Ballkanit Perëndimor dhe takime të përbashkëta, që në total mund të zgjasin deri rreth orës 14:35 minuta. Në këtë kohë është përcaktuar një konferencë për shtyp mes Ramës dhe Merkelit, që mbyll vizitën e fundit të kancelares gjermane në vendin tonë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje