.png)
Nga urdhri i parë për të mos folur pa leje tek një tjetër u dytë për të folur për çështjen Berisha.
Në një mbledhje zhvilluar ne selinë blu me kryesinë e grupit parlamentar, dy nënkryetarët Enkelejd Alibeaj dhe Jorida Tabaku dhe Sekretarin e Përgjithshëm, Gazment Bardhi, Basha ka kërkuar që asnjë prej tyre të mos i shmanget medias lidhur me përjashtimin e Berishës nga grupi parlamentar.
Para takimit pati qëndrime nga deputete të PD-së pro dhe kundër vendimit të Bashës.
Pro tij, doli deputeti Agron Gjekmarkaj i cili u shpreh se vendimi i Bashës për Berishën ishte i vetmi shteg për PD-në.
“Nuk kishte mundësi tjetër Lulzim Basha apo PD-ja. Duket se ishte shtegu i vetëm për të kaluar”, tha Gjekmarkaj.
Ndërsa kundër ishte deputeti tjetër Tritan Shehu, i cili u shpreh se vendimi duhet të kalonte përmes rrugës zyrtare.
“Unë mendoj që ky është problem i madh që ka ndodhur dhe e ka vendosur në pozitë të vështirë PD. Partia Demokratike s’është pronë e kryetarit, është parti e madhe. Pra një parti e tillë nuk mund të vihet përballë faktit të kryer për një çështje të rëndësishme. Kjo më ka shqetësuar. E them përsëri me sinqeritet dhe vendosmëri që duhet të dalim nga spiralja e mosrespektimit të statutit.
Unë e them përsëri, që vendimi nuk është finalizuar. Për mendimin tim personal, Berisha është pjesë e PD. Unë si një nga anëtarët më të vjetër në PD, si ish kryetar i saj e them këtë gjë, me qartësi, që dëmet vijnë kur nuk respektohen rregullat e brendshme…”, tha Shehu
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje