.png)
Të paktën katër palestinezë që u përkisnin grupeve të armatosura u vranë në një operacion të kryer nga ushtria izraelite në Bregun Perëndimor mes natës së kaluar dhe mëngjesit të së dielës për të kapur anëtarët e Hamasit. Forcat e Mbrojtjes të Izraelit (IDF) raportuan lajmin, por numri i të vdekurve mund të jetë më i lartë.
Përplasjet u zhvilluan në Burqin, Xhenin, Qabatiya, Kafr Dan dhe Kafr Bidu, pranë Ramallah, ndërsa forcat e sigurisë po kërkonin elementë të celulës së Hamasit, me mediat lokale që nuk përjashtojnë mundësinë e lëshimit të raketave nga Rripi i Gazës.
Xhihadi Islamik Palestinez, tha se të paktën një nga të vdekurit ishte anëtar i grupit të tyre, ndërsa tre të tjerët dyshohet se ishin anëtarë të Hamasit. Arrestimet dhe përleshjet e mëvonshme të zjarrit u kryen në të gjithë Bregun Perëndimor, kryesisht nga njësia kundër terrorizmit të elitës ushtarake “Duvdevan” dhe njësitë kundër terrorizmit të policisë izraelite dhe policisë kufitare, së bashku me shërbimin e sigurisë Shin Bet.
Kryeministri izraelit Naftali Bennett tha se celulat e Hamasit po planifikonin të kryenin sulme të afërta terroriste. “Forcat e sigurisë vepruan në Judea dhe Samari (Bregun Perëndimor) kundër terroristëve të Hamasit, të cilët ishin të gatshëm të kryenin sulme terroriste në të ardhmen e afërt”, – tha Bennett në një deklaratë nga Nju Jorku.
Shumica e anëtarëve të grupeve të armatosura posedonin armë dhe disa prej tyre hapën zjarr ndaj trupave izraelite gjatë bastisjeve, thane zyrtarë të IDF-së.
Zëdhënësi i saj, Ran Kochav, tha se ushtria besonte se Hamasi dhe Xhihadi Islamik Palestinez mund të hakmerreshin për vdekjet dhe arrestimet e anëtarëve të tij me raketa të lëshuara nga Rripi i Gazës
Hamasi vlerësoi personat e armatosur që u vranë, duke u betuar se “gjaku i martirëve të Jeruzalemit dhe Jeninit do të vazhdojë të nxisë revolucionin e popullit tonë kundër pushtuesit sionist”.
Hamasi akuzoi gjithashtu Autoritetin Kombëtar Palestinez me bazë në Ramallah për sulmin. “Vdekja e dëshmorëve është pasojë e koordinimit të vazhdueshëm të sigurisë me pushtimin sionist. Është fryt i takimeve të normalizimit që krerët e PNA-së mbajtën me ministrat sionistë dhe anëtarët e Knesset në Ramallah”, – tha zëdhënësi i Hamasit, Abd al-Latif al-Qanou.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje