.png)
Një kryeministre për Tunizinë. Presidenti tunizian, Kais Saied njoftoi se kishte udhëzuar Najla Bouden të formonte qeverinë, duke specifikuar se objektivi kryesor do të ishte “lufta kundër korrupsionit”.
Është hera e parë në botën arabe që një grua është zgjedhur për këtë post. Sidoqoftë, e zgjedhura do të duhet të punojë shpejt.
Kreu i shtetit, të cilin armiqtë e tij e quajnë “tuniziani Al Sisi”, theksoi se Tunizia ka humbur kohë të çmuar, pasi disa njerëz kanë transformuar institucionet shtetërore në “arena” në të cilat duhet të ballafaqohen.
25 korrikun e kaluar, ndërsa vendi ishte i pushtuar nga një krizë serioze ekonomike dhe një valë infeksionesh Covid, Saied kishte shkarkuar kryeministrin Hichem Mechichi dhe kishte pezulluar punën e Parlamentit. Një vendim që ishte quajtur “grusht shteti kundër revolucionit” nga partia e moderuar islamike Ennahda.
Pastaj, më 22 shtator, me një dekret, Saied forcoi më tej kompetencat e Presidencës, në dëm të qeverisë dhe Parlamentit, të cilat ai në fakt do t’i zëvendësojë duke e miratuar me dekret.
Tani për tani, nuk dihet shumë për kryeministren e parë grua. Ajo ka lindur në vitin 1958 dhe ka qenë lektore e Gjeologjisë në Shkollën Kombëtare të Inxhinierëve ENIT të Tunizit dhe mbante postin e Drejtoreshës së Përgjithshme dhe Shefes së Njësisë të Menaxhimit të Projektit të Modernizimit të Arsimit të Lartë në mbështetje të punësimit, para se të mbante pozicionin e Zyrtares së Politikave në Kabinetin e Ministrit të Arsimit të Lartë dhe Kërkimit Shkencor, Chiheb Bouden, në vitin 2015.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje