.png)
Djali i ish-diktatorit filipinas, Ferdinand Marcos, Ferdinand junior, njoftoi këtë të mërkurë kandidaturën e tij për presidencën e Filipineve në maj 2022, për të zëvendësuar Rodrigo Duterten në krye të vendit.
Lajmin e ka dhënë vetë Marcos, i cili më herët kishte kandiduar për postin e zv.presidentit – sistemi elektoral parashikon dy zgjedhje të ndara për dy detyrat – në vitin 2016, duke humbur vetëm për pak vota.
Marcos junior, i njohur edhe me nofkën e tij, “Bongbong”, është 64 vjeç dhe ka qenë në politikë që nga vitet 1990, pasi kishte mbajtur poste si guvernator, zëvendës dhe senator.
Ai gjithmonë ka mbrojtur trashëgiminë e babait të tij, duke denoncuar “gënjeshtrat” në lidhje me mizoritë e kryera gjatë viteve të asaj diktature.
Presidenti Duterte, ndaj të cilit një mandat i dytë presidencial në çdo rast do të përjashtohej nga Kushtetuta, njoftoi tre ditë më parë synimin e tij për t’u tërhequr nga politika në fund të mandatit të tij, pa kandiduar për postin e nënkryetarit.
Sara Duterte, vajza e presidentit aktual, është në krye të sondazheve, por deri më tani, ajo e ka mohuar dëshirën për të kandiduar, duke preferuar të përqendrohet në një mandat të tretë si kryebashkiake e qytetit të Davaos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje