.png)
Koreja e Veriut lëshoi ”një raketë të paidentifikuar” drejt Detit të Japonisë. Lajmi është raportuar nga Komanda e Shtabit të Përbashkët të Koresë së Jugut, duke iu referuar të rastit fundit nga një seri prplasjesh të kërkuara nga Pheniani i cili në shtator testoi katër raketa, nga ajo hipersonik tek ajo ‘cruise’ me rreze të gjatë veprimi. Roja bregdetare japoneze raportoi se “raketa duket se ka përfunduar në det”.
Raketa balistike nga Koreja e Veriut dyshohet se është lëshuar nga një nëndetëse, thotë ushtria e Koresë së Jugut. “Ushtria jonë ka zbuluar një raketë balistike me rreze të shkurtër veprimi të paidentifikuar, që duhet të jetë një SLBM (raketë balistike e lëshuar nga nëndetësja) e lëshuar nga Koreja e Veriut”, – thuhet sipas një deklarate nga Shefat e Shtabit të Përbashkët.
Veriu vazhdon të punojë me armatimin e tij, siç dëshmohet nga seria e testeve të fundit të raketave, duke përfshirë lëshimin e një lloji të ri të raketave të lundrimit me rreze të gjatë dhe atë hipersonik muajin e kaluar.
Optimizmi i kujdesshëm ndaj Phenianit u rishfaq pas riaktivizimit të kanaleve të komunikimit ndër-korean në fillim të tetorit.
I dërguari amerikan, planifikon të vizitojë Seulin në fundjavë për të diskutuar një raund të mëtejshëm të konfrontimit se çfarë të bëjë me Phenianin.
Ndërkohë, Byroja e Seulit, ka thirrur urgjentisht Këshillin e Sigurisë Kombëtare për të shqyrtuar situatën në përgjigje të lëshimit të raketës balistike të Koresë së Veriut në një skenar kompleks.
Të enjten, në fakt, Koreja e Jugut do të lëshojë “Nuri”-n, raketën e saj të parë hapësinore të zhvilluar në frontin e brendshëm, nga Qendra Hapësinore ‘Naro’ në Goheung. Nëse gjithçka shkon mirë, Seuli do të jetë shteti i 10-të që dërgon një satelit në hapësirë me teknologjinë e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje