.png)
Luan Baçi, kryetari i degës së Partisë Demokratike në Fier është dorëhequr, pas debateve që shoqëruan mbledhjen e grupit parlamentar demokrat të hënën në lidhje me qëndrimin ndaj “Foltores” së Berishës.
Baçi ishte i pranishëm gjatë takimit të ish-kryetarit të PD-së në qytetin e Fierit. Në mbledhjen e grupit parlamentar të së hënës, Luan Baçi tha se dalja në “Foltoret” e Berishës nuk duhet të shërbejë si një motiv për të ndarë demokratët, por përkundrazi.
Gatë fjalës së mbajtur në mbledhjen e grupit parlamentar, Baçi ngriti pretendimin se deputetët që po i bashkoheshin “Foltoreve” të Berishës nuk po përfshiheshin në komisionet parlamentare.
Megjithatë, duket se pikërisht kjo dalje i ka kushtuar postin e drejtuesit të partisë në Fier, megjithëse nga PD njoftojnë se ai ka dhënë dorëheqjen dhe nuk është shkarkuar nga Basha.
Në vend të tij është komanduar në krye të PD-së së Fierit deputeti Agron Kapllanaj.
Para Luan Baçit, Basha shkarkoi nga posti i nënkryetarit të Komisionit të Ekonomisë, Flamur Nokën, ndërsa e paralajmëroi atë edhe me përjashtim nga grupi parlamentar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje