.png)
Ilaç antiviral që ul ndjeshëm rrezikun e shtrimit në spital dhe vdekjes nga Covid-19 është miratuar për përdorim nga rregullatori i barnave në Mbretërinë e Bashkuar. Molnupiravir, i cili konsumohet nga goja si pilulë, do t’u jepet dy herë në ditë personave që kanë rezultuar pozitivë së fundmi për Covid-19 dhe kanë të paktën një faktor rreziku për zhvillimin e sëmundjes së rëndë, si obeziteti, mosha mbi 60 vjeç, diabeti ose sëmundje të zemrës. Agjencia Rregullatore e Barnave dhe Produkteve të Kujdesit Shëndetësor në Mbretërinë e Bashkuar (MHRA) tha se ilaçi është i sigurt dhe efektiv për njerëzit me Covid-19 të butë deri në mesatar, të cilët janë në rrezik shtesë nga virusi. Është vendi i parë në botë që miraton ilaçin për përdorim publik. Qeveria ka siguruar furnizime të mjaftueshme me ilaçin për të trajtuar 480,000 njerëz, me porosinë që do të dërgohet në Mbretërinë e Bashkuar deri në fund të vitit.
“Ne po punojmë me ritëm në të gjithë qeverinë dhe me Shërbimin Shëndetësor Ndërkombëtar për të përcaktuar planet dhe për të vendosur molnupiravir tek pacientët përmes një studimi kombëtar sa më shpejt të jetë e mundur,” sekretari i Shëndetësisë Sajid Javid.
Molnupiravir, i prodhuar nga Ridgeback Biotherapeutics dhe Merck Sharp & Dohme (MSD), funksionon duke ndërhyrë në riprodhimin e Sars-CoV-2 pasi të hyjë në qelizat njerëzore. Kjo e pengon atë të shumëzohet, duke mbajtur nivelet e virusit të ulëta në trup dhe si rrjedhim duke reduktuar ashpërsinë e sëmundjes.
MHRA tha se ilaçi duhet të merret sa më shpejt që të jetë e mundur pas një testi pozitiv për Covid-19 dhe brenda pesë ditëve të para.
Të dhënat nga prova klinike e Merck tregojnë se ilaçi, i cili u zhvillua për herë të parë për të trajtuar gripin, zvogëlon rrezikun e shtrimit në spital dhe vdekjen nga Covid-19 me 50 për qind te pacientët e infektuar së fundmi me virusin. Rreth 775 njerëz me Covid morën pjesë në studim. Midis gjysmës së pacientëve që merrnin molnupiravir dy herë në ditë, 7.3 përqind u shtruan në spital gjatë 30 ditëve. Kjo krahasohet me 14.1 për qind të grupit të dytë të pacientëve të cilëve iu dha një pilulë e rreme.
“Është antivirali i parë i miratuar në botë për këtë sëmundje që mund të merret nga goja në vend që të administrohet në mënyrë intravenoze. Kjo është e rëndësishme, sepse do të thotë se mund të administrohet jashtë një mjedisi spitalor, përpara se Covid-19 të përparojë në një fazë të rëndë,” tha June Raine shefja e MHRA.
Burimi:The Independent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje