.png)
Kryeministri i Irakut, Moustafa Al Kadhemi, i shpëtoi një sulmi me dron-shpërthyes të nisur kundër rezidencës së tij, që ndodhet në zonën e Gjelbër të Baghdadit.
Sulmi ndodhi teksa qindra protestues pro-iranianë po protestonin kundër rezultatit të zgjedhjeve parlamentare të 10 tetorit në Irak.
Në sulm u përdorën tre dronë, dy prej të cilëve u rrëzuan nga anëtarët e sigurisë së kryeministrit, thanë burimet e sigurisë.
Dronët “u nisën nga një vend pranë Urës së Republikës”, tha një nga këto burime, duke shtuar se “dy dronë u rrëzuan” gjatë fluturimit. I treti arriti të shpërthejë brenda rezidencës së kryeministrit, duke plagosur dy nga truprojat e Kadhemit.
Shtetet e Bashkuara të Amerikës dënuan sulmin ndaj kryeministrit irakian dhe e quajtën atë një “akt të dukshëm terrorizmi”. “Ne jemi të lehtësuar kur mësuam se kryeministri është i padëmtuar. Ky akt i dukshëm terrorizmi, të cilin ne e dënojmë me forcë, është drejtuar në zemër të shtetit irakian”, – tha zëdhënësi i Departamentit të Shtetit, Ned Price.
Ndërsa sipas Iranit, përpjekja për të vrarë kryeministrin irakian Mustafa Al Kadhemi, përfaqëson një kryengritje të re, gjurmët e së cilës duhen kërkuar në pistat e disa vendeve të huaja.
Kreu i Këshillit të Lartë të Sigurisë Kombëtare të Iranit, Ali Shamkhani, i cili nënvizoi në Tëitter se “këto vende nuk i kanë sjellë asgjë Irakut përveç pasigurisë dhe mosmarrëveshjes nëpërmjet krijimit dhe mbështetjes së grupeve terroriste”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje