.png)
“Al Naba”, revista e ISIS (Shtetit Islamik), rikthehet për të kërcënuar Italinë dhe Luixhii Di Maion, duke publikuar në faqen e saj një foto të ministrit të Jashtëm.
Fotoja daton në samitin e koalicionit anti-Daesh të mbajtur në qershor në Romë. Në artikullin e titulluar “Pse i tremb Kalifati”, përmendet edhe “pushtimi i Romës”. Në korrik e këtij viti, kreu i diplomacisë italiane, kishte marrë kërcënime në të njëjtën revistë terroriste të grupit.
Sekretari amerikan i shtetit, Antony Blinken mori pjesë gjithashtu në samitin e Romës në qershor, së bashku me Di Maion.
“Unë jam pranë Luixhi Di Maios për kërcënimet e reja, shumë serioze të marra nga terroristët e ISIS. Ne nuk kemi frikë: angazhimi i tij, në shërbim të vendit dhe stabilitetit ndërkombëtar, nuk do të ndikohet nga aktet e frikësimit. Me Luixhin, është prekur secili prej nesh”, – u shpreh në Twitter ish-kryeministri italiane Xhiuzepe Konte në solidaritet me ministrin.
“Italia nuk do të tërhiqet asnjë centimetër në luftën e saj kundër terrorizmit ndërkombëtar. Kërcënimet e ISIS ndaj ministrit Luixhii Di Maio janë kërcënime për të gjithë komunitetin tonë”, – deklaroi kryetari i Senatit, Roberto Fico.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje