.png)
Është një sezon me tensione të mëdha, ku çdo episod sjell me vete një tjetër. Rusia lëshoi një raketë që shkatërroi një nga satelitët e saj ‘Cosmos’, një stërvitje e ndjekur nga polemika.
Përplasja ndaj satelitit (i cili nuk ishte në përdorim dhe ishte në orbitë që nga viti 1982), prodhoi mijëra fragmente që u shpërndanë në hapësirë duke detyruar astronautët e Stacionit Ndërkombëtar të merrnin kundërmasa.
Ekuipazhi u zgjua nga komanda e Houston dhe u transferua në “automjetin” special të përdorur për kthimin emergjent.
Situata zgjati disa orë nga frika se një nga mbeturinat mund të arrinte në bazën orbitale.
Shtetet e Bashkuara protestuan me Moskën, duke denoncuar veprimin, të përcaktuar si jo shumë të përgjegjshëm dhe të rrezikshëm. NATO protestoi gjithashtu: “Ne u informuam nga Shtetet e Bashkuara, ishte një veprim i pamatur nga Rusia. Është shqetësuese, sepse tregon se Rusia po zhvillon armë të reja që mund të shkatërrojnë satelitët”, tha Sekretari i Përgjithshëm Jens Stoltenberg.
Përgjigjja erdhi pas disa orësh: siguria e stacionit është prioriteti sipas rusëve, gjithashtu sepse në bord janë dy kozmonautë rusë që punojnë me kolegë të kombësive të tjera.
“Shtetet e Bashkuara e dinë me siguri se fragmentet që rezultojnë, për sa i përket kohës së provës dhe parametrave të orbitës, nuk paraqesin dhe nuk do të paraqesin kërcënim për stacionet orbitale, anijet kozmike dhe aktivitetet hapësinore”, tha Ministria e Mbrojtjes ruse. Ministri i Jashtëm rus, Sergej Lavrov, e quajti pozicionin e SHBA-së “hipokrit”.
Në të kaluarën, amerikanët, kinezët dhe indianët kanë kryer ushtrime të ngjashme me rezultatin e rritjes së të ashtuquajturave mbeturina hapësinore.
Sipas NASA-s, megjithatë, testi rus krijoi numrin më të madh të mbeturinave, gati 1500 copëza të madhësive të ndryshme që do të mbeten të pranishme për vite me radhë.
Neutralizimi i satelitëve kundërshtarë është një aspekt i konfrontimit të mundshëm mes fuqive dhe për këtë arsye forcat ushtarake kryejnë kërkime mbi sistemet e armëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje