.png)
Daniel Lohrer nga partia bullgare ”Ne vazhdojmë ndryshimin”, ka thënë se nuk është reale të pritet që deri më 14 dhjetor do të ketë marrëveshje me Shkupin për çështjet kontestuese dhe heqje të vetos bullgare për nisjen e bisedimeve të anëtarësimit mes Maqedonisë së Veriut dhe Bashkimit Europian.
Partia “Ne vazhdojmë ndryshimin” ka dalë e para në zgjedhjet e mbajtura më 14 nëntor dhe pritet të formojë qeverinë e re,në koalicion me tri parti të tjera.
Lohrer, i cili konsiderohet kandidati më serioz për ministër të Jashtëm në Qeverinë e Re i ka thënë radios bullgare BTV se “nëse mbetet vetëm historia për të lëvizur negociatat mes Bullgarisë dhe Maqedonisë së Veriut, nuk mund të pritet rezultat mjaft i mirë për të dyja palët.”
Dallim për gjuhën maqedonase,identitetin dhe të kaluarën historike, por edhe të drejtat e bullgarëve në Maqedoninë e Veriut, janë çështjet për të cilat duhet gjetur zgjidhje, në mënyrë që Sofja të heqë veton për Shkupin, të cilën e ka vendosur në nëntor të vitit 2020.
“Rruga jo vetëm e Maqedonisë së Veriut por edhe e Shqipërisë dhe vendeve të tjera të rajonit, është në BE dhe Bullgaria do të donte që kur Maqedonia e Veriut të hynte në atë proces,kjo gjë të ndodhë pa shkelur të drejtat e bullgarëve që jetojnë në Maqedoninë e Veriut,”-ka deklaruar Daniel Lohrer.
Por Ministri i Punëve të Jashtme i Maqedonisë së Veriut, Bujar Osmani, ka deklaruar se Shkupi ende beson se deri në dhjetor mes dy vendeve mund të ketë përparim dhe zhbllokim të procesit të integrimit europian.
“Muajin dhjetor e shohim si një dritare të mirë, si mundësi dhe nevojë për të përqendruar të gjithë energjinë e brendshme,rajonale dhe europiane për të shfrytëzuar këtë mundësi,e cila është shumë e rëndësishme, jo vetëm për historinë tonë por edhe për besueshmërinë e të ardhmes europiane”, ka deklaruar Osmani pas takimit me ministrin e Jashtëm të Austrisë,Michael Linhart.
Diplomati austriak ka thënë gjithashtu se BE-ja është e interesuar për marrëveshje mes dy shteteve dhe për një të ardhme më të mirë për vendet e rajonit.
“Fillimi i negociatave nuk është një mundësi e mirë vetëm për Republikën e Maqedonisë së Veriut dhe Shqipërisë por edhe për Bashkimin Europian dhe gjithë rajonin.
Perspektiva europiane është e rëndësishme për vendet e Ballkanit Perëndimor”, ka deklaruar Linhart mes tjerash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje