.png)
Ekzekutimi i dënimit ishte caktuar për në orën katër pasdite të së enjtes, 18 nëntor. Por rreth mesditës, Guvernatori i Oklahomas, republikani Kevin Stitt, ndryshoi fatin e Julius Jones, 41 vjeç, i cili është dënuar me vdekje që nga viti 2002.
“Pas një shqyrtimi të kujdesshëm të dokumenteve, kam vendosur t’ia lehtësoj dënimin Julius Jones: ai do të vuajë një dënim të përjetshëm pa mundësinë e provës”, – është deklarata e Sttit. Lajmi u prit me ovacione nga turma që priste jashtë zyrës së Guvernatorit në Oklahoma Siti.
Julius, 41 vjeç, ishte dënuar kur ishte njëzet e dy vjeç për vrasjen e Paul Howell. Viktima, 45 vjeç, ka reaguar ndaj tentativës për vjedhje të makinës së tij. Ai po parkonte në shtëpinë e prindërve të tij në periferi të Edmondit, pasi kishte bërë pazar me dy vajzat dhe motrën e tij.
Vrasësi e qëlloi atë pa pikë mëshire. Ishte motra e tij që i vuri hetuesit në gjurmët e dy të rinjve afrikano-amerikanë. Julius, në atë kohë, studionte në universitet.
Ai u arrestua së bashku me një djalë tjetër me ngjyrë, Christopher Jordan. Ishte vera e vitit 1999. Gjyqi u mbajt tre vjet më vonë. Jordan fajësoi për vrasjen partnerin e tij, duke pretenduar se ai drejtonte vetëm makinën gjatë arratisjes. Megjithatë, ai u dënua me 30 burg. Bëri vetëm 15, por që nga viti 2017 është sërish qytetar i lirë.
Nga ana tjetër, edhe Julius u deklarua i pafajshëm, ai tha se në momentin e krimit ishte duke drekuar me prindërit e tij, në një shtëpi 35 milje larg Edmondit. Por ai nuk mund ta provonte. Juria e dënoi me vdekje.
Për vite me radhë, Jones e mbajti versionin e tij, në pritje të ekzekutimit. Organizatat e të drejtave civile luftuan për pezullimin e dënimit dhe për rishikimin e gjykimit.
Mbi 6.3 milionë njerëz kanë nënshkruar një peticion në favor të tij në faqen e internetit Change.org. Bashkë me të janë rreshtuar edhe disa të famshëm, si Kim Kardashian.
Blogerja filloi të mbështeste kauzën e tij përmes Twitter (mbi 70 milionë ndjekës) dhe më pas e vizitoi atë në burgun e qytetit të Oklahomas në nëntor 2020.
Përfundimisht të gjitha këto presione e bindën guvernatorin Stitt që të ndalonte ekzekutuesin. Në Shtetet e Bashkuara të Amerikës, ka rreth 2,500 të burgosur që presin vdekjen në dënim me vdekje.
Rreth 40% janë afrikano-amerikanë, krahasuar me 15% të popullsisë totale të SHBA. Për këtë vit ishin planifikuar 45 ekzekutime dhe vetëm 10 u përfunduan.
Sipas sondazheve të besueshme, si ajo e kryer nga Pew Center në prill 2021, 60% e amerikanëve janë në favor të dënimit me vdekje për ata që kanë kryer vrasje.
64% besojnë se është një dënim i justifikuar moralisht; megjithëse 63% shtojnë se nuk mund të konsiderohet si një pengesë efektive dhe 78% frikësohen se mund të ndodhin gabime gjyqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje