.png)
Kina ka kufizuar zyrtarisht marrëdhëniet diplomatike me Lituaninë në shkallën e “detyrave të biznesit” në shenjë proteste, pasi Tajvani ‘de facto’ krijoi një ambasadë në Vilnius.
“Qeverisë kineze iu desh të ulte marrëdhëniet diplomatike midis dy vendeve për të mbrojtur sovranitetin e saj dhe standardet bazë të marrëdhënieve ndërkombëtare”, tha ministria e Jashtme në një deklaratë.
Lituanisë i vjen keq për vendimin e Kinës për të kufizuar marrëdhëniet diplomatike me Vilniusin. “Lituania ripohon aderimin e saj në politikën ‘Një Kinë’, por në të njëjtën kohë, ka të drejtë të zgjerojë bashkëpunimin e saj me Tajvanin”, duke përfshirë krijimin e misioneve jodiplomatike, tha Ministria e Jashtme Lituaneze një deklaratë për shtyp.
Për Kinën, “qeveria lituaneze duhet të marrë të gjitha pasojat që rrjedhin nga këto veprime, të cilat kanë krijuar një precedent të keq në skenën ndërkombëtare”.
Përdorimi nga Lituania i termit “Zyra e Përfaqësimit të Tajvanit”, është një hendek i madh diplomatik që ka sfiduar një fushatë presioni nga Kina për të izoluar ishullin autonom demokratik në skenën ndërkombëtare.
Pekini shtoi se Lituania kishte “braktisur angazhimin politik që bëri gjatë vendosjes së marrëdhënieve diplomatike” me Kinën, duke iu referuar “politikës së një Kine”, sipas së cilës, vendet e njohin zyrtarisht qeverinë kineze në vend të asaj të Tajvanit.
Kina po punon për të mbajtur Taipein të izoluar në skenën ndërkombëtare dhe refuzon çdo përdorim zyrtar të fjalës “Tajvan”, nga frika se do t’i japë ishullit një ndjenjë legjitimiteti ndërkombëtar.
Pas njoftimit në korrik për hapjen e ambasadës në Vilnius, Pekini kishte tërhequr ambasadorin e tij në Lituani dhe i kërkoi Vilniusit të tërhiqte ambasadorin e tij në Kinë, gjë që Lituania bëri. Pekini ndaloi gjithashtu trenat e mallrave për në Lituani dhe ndaloi lëshimin e lejeve të eksportit të ushqimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje