.png)
Drejtori i Organizatës Botërore të Shëndetësisë për Europën, Hans Kluge, u ka bërë thirrje shteteve që të mbrojnë fëmijët në shkolla, pasi rastet e reja në Evropë, janë ata të moshave 5 deri në 14 vjeç.
Ai ka thënë se shkalla e infeksionit është dy deri në tri herë më e lartë te fëmijët më të vegjël sesa popullsia mesatare në disa vende.
Kluge foli kundër vaksinimit të detyrueshëm, duke thënë se ai duhet të jetë një “zgjidhje absolute e fundit” dhe shtoi se numri i vdekjeve nga Covid-19 ishte ende “dukshëm nën shifrat më të larta të raportuara më parë”.
Megjithatë, ai tha se numri i infeksioneve dhe vdekjeve të reja nga koronavirusi është dyfishuar në dy muajt e fundit në 53 vende të rajonit që shtrihet në Azinë Qendrore.
Ai theksoi se ekziston ende një kërcënim nga varianti i përhapur Delta dhe vuri në dukje se varianti i ri Omicron deri më tani është konfirmuar në 432 raste në 21 vende.
“Varianti i Delta mbetet dominues në të gjithë Evropën dhe Azinë Qendrore dhe ne e dimë se vaksinat COVID-19 mbeten efektive në reduktimin e sëmundjeve të rënda dhe vdekjeve”, tha ai, duke shtuar se mbetet për t’u parë nëse varianti i ri Omicron transmetohet më lehtë, nëse shkakton një formë më të rëndë apo të lehtë të sëmundjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje