.png)
Vetëm 1 kilogram e ka ndarë peshëngritësen shqiptare, Evangjeli Veli, nga medalja e bronzit në stilin e shkëputjes. Ajo garoi sot në Botërorin e peshëngritjes, që po zhvillohet në Tashkent të Uzbekistanit, në kategorinë 55 kilogramë.
Veli kaloi me sukses provën e parë, ku ngriti 86 kilogramë. Po ashtu, edhe në provën e dytë ajo pati sukses, duke ngritur 89 kilogramë, ndërsa në provën e tretë tentoi 91 kilogramë dhe nuk ia doli, duke zënë vendin e katërt në shkëputje dhe duke mbetur jashtë zonës së medaljes.
Paraqitja e peshëngritëses shqiptare ishte më e dobët në stilin e shtytjes. Ajo nuk arriti të ngrinte 105 kilogramë në dy provat e para, kurse provën e tretë nuk e bëri dhe mbeti pa rezultat në këtë stil dhe në dygarësh.
Veli ishte sportistja e parë e Shqipërisë që garoi në Botërorin e Uzbekistanit. Tani është radha e meshkujve, e Briken Caljes, Daniel Godellit, Erkand Qerimajt dhe Krenaqr Shorajt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje