.png)
Shumica e izraelitëve do të mbështesin një sulm ndaj Iranit edhe nëse ai nuk do të kishte dritën jeshile nga Shtetet e Bashkuara, tregon një sondazh i ri i Institutit të Demokracisë së Izraelit.
Sipas sondazhit, 54% e të anketuarve thanë se Irani përbën një kërcënim ekzistencial për ekzistencën e Izraelit. Rreth një e katërta e të anketuarve e shohin Iranin si një “rrezik të mesëm”, ndërsa 13% e shohin atë si një “rrezik të vogël”.
Në përgjithësi, 51% e izraelitëve ranë dakord se Izraeli mund të sulmonte Iranin edhe pa marrë një “dritë jeshile” nga Uashingtoni dhe vetëm më pak se një e treta (31%) nuk do ta mbështesin një veprim të tillë pa miratimin amerikan, zbulon sondazhi.
Në të dyja pyetjet, kishte një hendek të madh midis opinioneve të të intervistuarve hebrenj dhe arabë.
Ndërsa një shumicë e madhe (62%) e hebrenjve izraelitë mendojnë se Irani përbën një rrezik ekzistencial, vetëm një pakicë (19%) e izraelitëve arabë e pajtuan. Dhe ndërsa një shumicë e qartë e hebrenjve izraelitë (58%) ranë dakord se pëlqimi amerikan për të sulmuar nuk është i nevojshëm, vetëm 18% e izraelitëve arabë thanë të njëjtën gjë.
Burimi: The Times of Israel
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje