.png)
Sali Berisha dhe mbështetësit e tij janë futur këtë të hënë në selinë e Partisë Demokratike, ku thanë se do të zhvillojnë mbledhjen e parë të komisionit të rithemelimit të partisë, të miratuar në kuvendin e 11 dhjetorit.
“…Basha është deputet i grupit parlamentar, nuk përjashtojmë askënd, ata janë pakicë dhe kanë të drejtë të jenë në PD
S’kemi punë në zyrën e Bashës. Sot ne vijmë për të bërë një mbledhje, Basha deri më datën 18 Dhjetor mendoj që të reflektojë për vendimin e Kuvendit më të jashtëzakonshëm që triumfoi në mënyrën më mahnitëse
Padia në SPAK është firme e turpit që padit në prokurorinë e tij dhe të Edi Ramës kolegët e vetë, është e padenjë”, tha Berisha kur u fut në ambientet e selisë së PD-së.
Berisha bashke me anëtarët e Komisionit të Rithemelimit u futën në një nga zyrat e katit të dyte ku ishte vetëm një tavolinë pa karrige.
“Çmenduria e pengBashës për karriget është në kufijtë e qiellit. I ka marrë të gjitha karriget në zyrën e tij se nuk i mjafton karrigia e vet”, tha Berisha i cili më pas vijoi mbledhjen me dyer të mbyllura.
Vetëm pak hapa larg nga një tjetër sallë, ku Lulzim Basha po zhvillon mbledhjen me grupin e punës për zgjedhjen e organeve të reja të FRPD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje