.png)
Rifillojnë tensionet në skenën politike libiane, të shoqëruara nga debati për mbajtjen e zgjedhjeve të ardhshme presidenciale.
Në orët e fundit, një duzinë njerëzish nga disa milici të armatosura, rrethuan zyrën e kryeministrit Abdul Hamid Dbeibah në Tripoli. Ndërkohë televizioni “Al Arabyia” raporton se presidenti i Këshillit Presidencial, Mohammed el Menfi, ka kërkuar urgjentisht ndërhyrjen e një force ushtarake për të mbrojtur shtëpinë e tij private.
Burimet lokale mohojnë se një grusht shteti është duke u zhvilluar. Duket se ajo që e përshpejtoi situatën, ishte zgjedhja e presidentit Memphis për të zëvendësuar udhëheqësin aktual ushtarak të rajonit të Tripolit, Abdul Basit Marëan, i konsideruar shumë i kompromentuar në periudhën e luftës kundër trupave të gjeneralit, Khalifa Haftar. Në vend të tij do të emërohej Abdel Qader Mansour, një gjeneral më neutral.
Ndaj duket se janë forcat më të afërta me frontin islamik ato që po i fryjnë zjarrit. Por e gjithë kjo ndodh në sfondin e shtyrjes tashmë të pashmangshme të zgjedhjeve presidenciale që ishin organizuar, falë mbështetjes së OKB-së, për 24 dhjetorin e ardhshëm.
“Kohët janë shumë të ngushta. Ka ditë për të organizuar qendrat e votimit dhe fushatën elektorale”, ritheksojnë vëzhguesit në Tripoli. Debatet e ashpra kanë të bëjnë, ndër të tjera, me kandidaturën e vetë Dbeibah dhe mbi të gjitha të Saif al Islamit, djalit 49-vjeçar të Muammar Gaddafit, popullariteti i të cilit është në rritje edhe mes atyre forcave që në vitin 2011 iu bashkuan revoltës kundër regjimit.
Ditët e fundit, Stephanie Ëilliams, diplomatja amerikane e emëruar së fundmi përfaqësuese personale për Libinë e Sekretarit të Përgjithshëm të OKB-së, Antonio Guterres, ndodhet në vend të hedhur ujë në zjarr. Ishte ajo që ndërmjetësoi armëpushimin midis Tripolitanisë dhe Cyrenaicas dy vjet më parë, si dhe shpalli zgjedhjet. Përpjekjet e saj tani do të synojnë organizimin e një date të re, më të besueshme për votime.
Por duket gjithnjë e më e pamundur që në prag të Krishtlindjeve, të ketë garë presidenciale midis gjeneralit Khalifa Haftar, djalit të kolonelit Seif al Islam Gaddafi dhe vetë kryeministrit Dbeibah.
Një garë e shtrirë potencialisht tek presidenti i parlamentit të Tobruk Aqila Saleh, ish-ministri i Brendshëm Fathi Bashagha dhe ish-zëvendëskryeministri Ahmed Maitig. Me frikën e zgjedhjet mund të mbahen në vitin 2022 dhe Libia të përfshihet nga tensioni social dhe politik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje