.png)
Vaksina ruse Sputnik V është efektive kundër variantit Omicron dhe funksionon më mirë në krahasim me vaksinat e tjera, tha presidenti rus Vladimir Putin në një konferencë për shtyp, duke vënë në dukje se Rusia është gati për të furnizuar vendet e tjera, përfshirë vendet europiane, me vaksinën Sputnik Light e cila mund të përdoret si një dozë përforcuese.
Presidenti rus tha se Rusia mund të sigurojë vaksina falas për vendet më të varfra. Ndërkohë, Fondi Rus i Investimeve Direkte (RDIF) ka njoftuar se vaksinimi me vaksinën ruse Sputnik V shkakton një përgjigje “neutralizuese” të antitrupave ndaj variantit Omicron, ndërsa doza përforcuese me Sputnik-Light rrit efektivitetin e vaksinave të tjera kundër variantit.
Gjithashtu Sputnik-Light si një dozë përforcuese rrit ndjeshëm efektivitetin kundër variantit Omicron, duke siguruar mbrojtje kundër sëmundjeve të rënda dhe shtrimit në spital për shkak të variantit Omicron.
Alexander Ginzburg, drejtor i Institutit Gamale në Moskë, tha gjithashtu se vaksinimi me vaksinën Sputnik V dhe më pas me vaksinën Sputnik-Light mbron plotësisht kundër variantit Omicron.
Burimi: Reuters/ Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje