.png)
Negociatori i Brexit në BE, bëri thirrje për një partneritet strategjik me Mbretërinë e Bashkuar mbi çështjet kyçe si ndryshimet klimatike dhe sigurinë në Europë, duke thënë se një rezolutë mbi mosmarrëveshjen me Irlandën e Veriut do të riformonte besimin politik.
Maros Sefcovic, një zëvendës president në Komisionin Europian, tha se Londra dhe Brukseli duhet të zgjidhin çështjet delikate politike, si ajo e Irlandës së Veriut, para zgjedhjeve në muajin maj.
Një ditë para se ministri i Brexit në Britani, David Frost të dorëhiqej, Sefcovic pranoi qasjen “konstruktive” të Britanisë. Londra bëri një kërkesë për Gjykatën Europiane të Drejtësisë, që të lërë rolin e saj përforcues dhe sinjalizoi marrëveshje të mëtejshme, që shkaktuan dhe dorëheqjen e Frost.
Sefcovic tha se një marrëveshje mbi Irlandën e Veriut do t’i lejojë të dyja vendet të qëndrojnë aty ku duhet, në skenën globale të çështjeve me rëndësi. Ai tha se qëllimi i tij ishte depolitizimi shmangia e dramave midis Londrës dhe Brukselit.
Ish-diplomati slloven, tha se Britania po e tensionon më shumë situatën me kërcënimin për të rikthyer Artikullin 16, që lejon ndërhyrjen e Britanisë në tregtinë e jashtme të Irlandës së Veriut.
Burimi:Financial Times/Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje