.png)
Rritja e çmimeve të konsumit në SHBA u rrit me ritmin më të shpejtë në pothuajse katër dekada në dhjetor, duke nxitur frikën e Rezervës Federale.
Indeksi i çmimeve të konsumit (CPI) u rrit me një ritëm 7 për qind nga viti në vit muajin e kaluar, një hap më lart nga norma 6.8 për qind e regjistruar në nëntor dhe kërcimi më i madh që nga qershori 1982.
Inflacioni “bazë”, i cili heq artikujt e paqëndrueshëm si ushqimi dhe energjia, u përshpejtua me një përmasa edhe më të madha.Ai u rrit me 5.5 për qind.
Kostot e strehimit, të cilat janë rritur në mënyrë të qëndrueshme muajt e fundit, arritën një ritëm prej 0.4 për qind në dhjetor. Që nga dhjetori 2020, këto shpenzime janë rritur me 4.1 për qind. Çmimet e makinave të përdorura vazhduan të rriten, duke u rritur me 3.5 për qind nga muaji i kaluar dhe gati 40 për qind nga një vit më parë.Çmimet e energjisë ranë 0.4 për qind nga nëntori, rënia e parë në muaj dhe çmimet e benzinës ranë gjithashtu.
Edhe çmimet e ushqimeve kontribuan edhe një herë në shifrat e larta historike. Kostot e ngrënies u rritën 0.6 për qind nga një muaj më parë dhe 6 për qind rritje nga viti në vit, rritja më e madhe që nga janari 1982.
Indeksi më i gjerë i ushqimit u rrit me 0.5 për qind, një ritëm më modest se periudha e mëparshme. Kostot e veshjeve, orendive shtëpiake dhe kujdesit mjekësor u rritën gjithashtu.Të dhënat, vijnë vetëm një ditë pasi Jay Powell, kryetar i Rezervës Federale të SHBA, paralajmëroi se inflacioni i lartë ishte një “kërcënim i rëndë” për rimëkëmbjen e tregut të punës dhe pohoi synimet e bankës qendrore për të reduktuar me shpejtësi mbështetjen e politikës së saj monetare.
Shtëpia e Bardhë është përpjekur të reduktojë pengesat në portet kryesore, të godasë sjelljen anti-konkurruese në tregje të caktuara si industria e mishit dhe të inkurajojë më shumë prodhim të naftës në nivel global për të ulur çmimet e naftës.
Megjithatë, ajo është përmbajtur nga miratimi i masave të tjera kundër inflacionit, të tilla si heqja e tarifave për importet kineze.
Burimi: Financial Times/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje