.png)
“Nuk do të jetë e lehtë për të kapërcyer dallimet mes Rusisë dhe NATO-s për Ukrainën”, kështu është shprehur Jens Stoltenberg, sekretari i Përgjithshëm i NATO-s.
Ai ka thwnw se ka dallime të rëndësishme midis aleatëve të NATO-s dhe Rusisë. “Gjithsesi është një shenjë pozitive fakti që të gjithë aleatët janë ulur në një tryezë dhe janë të angazhuar për zgjidhjen e çështjeve kyçe”, ka thënë ai.
Gjithashtu përmes një komunikimi me gazetarët, Stoltenberg tha se shpërthimi i një konflikti të ri në Europë mes tensioneve Rusi-Aleanca e Atlantikut, mbetet një rrezik real.
Në Bruksel u mbajt takimi i Këshillit NATO-Rusi, i cili zgjati rreth katër orë.
Delegacioni rus u kryesua nga zëvendësministri i Jashtëm Aleksandër Grushko, i cili ishte përfaqësues i Rusisë në NATO për pesë vite , si edhe zëvendësministri i Mbrojtjes Aleksandër Fomin.
SHBA i bëri thirrje Rusisë që të qëndrojë në tryezën e bisedimeve për Ukrainën që do të zhvillohen këtë javë.
“Nëse Rusia largohet nga tryeza e bisedimeve, do të jetë e qartë se ata kurrë nuk kanë qenë seriozë për diplomacinë, kështu që ne po përgatitemi kolektivisht për secilin rast”, u tha gazetarëve në Bruksel Wendy Sherman, zëvendëssekretarja amerikane e Shtetit, pas takimit të Këshillit NATO-Rusi.
Sherman vuri në dukje se ritmi i vështirë i angazhimeve dypalëshe dhe shumëpalëshe që u zhvilluan këtë javë tregoi gatishmërinë e Shteteve të Bashkuara dhe aleatëve të saj për të negociuar.
“Është Rusia ajo që duhet të bëjë zgjedhje të drejtpërdrejta, de-përshkallëzimi dhe diplomaci ose konfrontim dhe pasoja”, tha më tej ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje