Tensionet në PD, ambasada e SHBA publikon mesazhin e fortë të Nën Sekretares së Shtetit për Çështjet Politike

10:17 - 13 Janar 2022

Ambasada Amerikane në Tiranë publikon sot një mesazh të fortë të Nën Sekretares së Shtetit për Çështjet Politike, Victoria Nuland.

Në një postim në “Facebook”, ambasada e SHBA citon zyrtaren e lartë amerikane, e cila thekson se “Përparimi i vërtetë mund të ndodhë vetëm në një atmosferë të qetë, jo të përshkallëzuar”.

Ky mesazh, i publikuar sot nga ambasada amerikane, duket si një mesazh “i koduar” për politikën shqiptare, dhe përkatësisht situatën në Partinë Demokratike, ku ish-kryeministri Sali Berisha zhvilloi protestën e dhunshme te selia blu më 8 janar.

Ndërkohë, Berisha ka paralajmëruar se do të përshkallëzojë aksionin e tij, deri në marrjen e Partisë Demokratike.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

Lini një Përgjigje Anuloje përgjigjen