.png)
Koreja e Veriut nuk merr pjesë në Lojërat Olimpike të Pekinit (për shkak të pandemisë dhe “armiqësisë nga Amerika dhe vasalët e saj”).
Por diktatori Kim Jong-un, duket i vendosur të thyejë rekordin e raketave: mëngjesin e 17 janarit, skuadra e tij bombash gjuajti një palë tjetër pajisje balistike, duke e çuar totalin në gjashtë në dy javët e para të janarit. Dy raketat u nisën brenda katër minutash nga njëra-tjetra, nga një bazë ajrore në periferi të Phenianit. Ato fluturuan me trajektore balistike për 380 kilometra, me një shpejtësi prej 42 kilometrash, sipas gjetjeve të mbrojtjes së Koresë së Jugut.
Koreja e Veriut zakonisht publikon të dhënat e testimit të nesërmen, kështu që do të duhet të pritet për të zbuluar versionin e Kim. Të gjitha lojërat luftarake të Kim-it, kanë një rëndësi politike dhe ushtarake. Analistët politikë vënë në dukje se aktiviteti i Koresë së Veriut rrezikon të prishë atmosferën olimpike, duke e turpëruar aleatin e tij kinez, Xi Jinping.
Por ka të ngjarë, që Kim të ketë vlerësuar se dështimi amerikan për të reaguar ndaj shfaqjeve të fundit të raketave të fudit, ndoshta e siguron aleatin kinez për mbarëvajtjen e Lojërave që fillojnë më 4 shkurt.
Në fakt, gjatë fundjavës erdhi një sinjal pozitiv nga Pekini për “klientin” Kim: transporti hekurudhor i mallrave midis Kinës dhe Koresë së Veriut, i ndërprerë nga shpërthimi i pandemisë Covid-19 në Wuhan, në janar 2020, ka rifilluar.
“Pas konsultimeve miqësore mes dy palëve”, tha zëdhënësi i Ministrisë së Jashtme kineze, Zhao Lijian, transporti i mallrave ka rifilluar. “Të dyja palët do të garantojnë bazat për parandalimin dhe sigurinë e epidemive”.
Tregtia mund t’i japë oksigjen ekonomisë së Koresë së Veriut dhe të ndihmojë popullatën t’i rezistojë situatës së rëndë ushqimore.
Nëse Xi Jinping do të ishte i zemëruar për testet e raketave, ai nuk do të kishte vënë vulën në rifillimin e transportit hekurudhor. Kim, megjithatë, nuk arriti të tërhiqte vëmendjen e administratës Biden, e cila vazhdon ta injorojë atë në mungesë të një plani dialogu për çarmatimin. Uashingtoni u kufizua duke thënë se “ky aktivitet është destabilizues për rajonin”.
Sipas ekspertëve ushtarakë, testet e zjarrit në javët e fundit zbulojnë përparim të jashtëzakonshëm në fushën e diversifikimit dhe pasurimit të arsenalit të Koresë së Veriut. Më 5 dhe 11 janar, Pheniani dyshohet se testoi dy raketa hipersonike me koka luftarake të afta për të rrëshqitur në objektiv; më 14 janar, një palë raketa balistike me rreze të shkurtër u nisën nga një tren, një rrethanë që rrit lëvizshmërinë dhe mundësinë e fshehjes së pajisjeve të lëshimit në tunelet hekurudhore.
Më 11 janar u kthye në fushë edhe “Marshalli i Veriut”, i cili për herë të parë në dy vjet vëzhgoi me sytë e tij të pajisur me dylbi ngritjen e raketës me kapacitet të dukshëm hipersonik: sipas Phenianit, ajo fluturoi 600 kilometra me manovrim më të madh krahasuar me dy përpjekjet e mëparshme, duke bërë një kthesë të gjerë dhe kthesa për 240 kilometra të tjera përpara se të godiste objektivin e vendosur 1000 kilometra larg.
Vetë prania në skenë e Kim-it, i cili për këtë rast shoqërohej nga motra e tij Kim Yo-jong dhe ka pozuar për një seri fotosh të shpërndara nga propaganda, do të konfirmonte rëndësinë teknike të testit.
Vlerësimi zyrtar i Mbrojtjes së Koresë së Jugut është i ndryshëm: sipas Seulit, bomba fluturoi me një shpejtësi maksimale prej 10 Mach (që do të thotë 10 herë më e lartë se ajo e zërit), por pa u shtyrë nga teknologjia hipersonike, vetëm balistike (ngritje dhe rënia me trajektore parabolike).
Përfundimi i Koresë së Jugut: sistemet tona të mbrojtjes janë të afta të zbulojnë dhe kapin edhe këtë lloj bombe nga Veriu.
Ekspertët e pavarur nuk janë të çekuilibruar dhe kufizohen në theksimin se në vitin 2021, Marshalli Kim, urdhëroi teknikët e tij të përmirësonin “aftësitë parandaluese dhe hakmarrëse” të arsenalit raketor dhe bërthamor të Koresë së Veriut. Këto nisje hipersonike, balistike ose treni-raketor, përmbushin “listën e dëshirave” të Kim-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje