.png)
Roberta Metsola u zgjodh në krye të Parlamentit Europian si pasuese e David Sassoli-t, që ndërroi jetë disa ditë më parë. Eurodeputetja malteze e së djathtës siguroi mazhorancën absolute prej 458 vota.
Metsola ishtë në garë mes katër kandidatëve për këtë post, bashkë me spanjollin Sira Rego, të së majtës ekstreme, polakun Kosma Slotoëski i euroskeptikëve dhe suedezen Alice Bah Kunke e të gjelbërve.
Suedezja Kunke u rendit e dyta me 101 vota, duke lënë pas Sira Rigo me 58 të tilla.
Metsola është eurodeputete që prej vitit 2013, ndërsa prej vitit 2020 shërben edhe si zv.presidente e PE. Ajo ka drejtuar seanca plenare të PE muajt e fundit, duke zëvendësuar Sassoli-n. David Sassoli ndërroi jetë më 11 janar.
Eurodeputetja konservatore malteze u sulmua nga kundërshtarët për këndvështrimin në lidhje me çështjen e abortit, ku ajo është një prej kundërshtareve më të mëdha në PE. Ky qëndrim i saj reflekton në fakt edhe vetë qëndrimin e Maltës, që është i vetmi vend në Bashkimin Europian ku aborti është krejtësisht i paligjshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje