.png)
Kina u dërgon një mesazh të qartë sportistëve të huaj, të cilët do të marrin pjesë në Olimpiadën dimërore Pekin 2022: ata do të ndëshkohen për deklarata ose mbajtje qëndrimi që shkelin frymën olimpike dhe ligjet kineze.
“Çdo qëndrim në linjë me frymën olimpike jam i sigurt se do të mbrohet dhe çdo sjellje apo deklaratë e kundërt, veçanërisht kundër ligjeve dhe rregullave kineze, do të jetë objekt ndëshkimi”, – ka thënë Yang Shu, zëvendësdrejtori i përgjithshëm i departamentit për marrëdhëniet ndërkombëtare të Pekin 2022.
Përgjigja e Yang ka ardhur gjatë një takimi virtual në lidhje me shqetësimet e sportistëve pas paralajmërimit të “Human Rights Watch”. Një grup aktivistësh ka ngritur alarmin se në Pekin 2022, të flasësh për çështje që lidhen me të drejtat e njeriut, mund të vërë në rrezik sigurinë.
Në Kartën Olimpike është bërë e qartë se “nuk lejohet asnjë lloj manifestimi apo propagande politike, fetare dhe raciste”, por CIO (Komiteti Olimpik Ndërkombëtar) ka bërë me dije se sportistët janë të lirë të shprehin opinionet e tyre për çdo çështje gjatë konferencave të shtypit dhe në intervista brenda fshatit olimpik, por jo gjatë garave dhe ceremonive të çmimeve.
Anulimi i akreditimit është një ndëshkimet e mundshme nga organizatorët, siç ka pohuar Yang gjatë një eventi të ambasadës kineze në Uashington. Gjatë Olimpiadave të kaluara, çdo shkelje e Kartës Olimpike është marrë në shqyrtim vetëm nga CIO.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje