.png)
Investimi 50 milionë eurosh i NATO-s në bazën ajrore të Kuçovës është nisur zyrtarisht këtë të enjte, pas përfundimit të procesit të shpronësimit të banorëve që preken nga zgjerimi dhe modernizimi i kësaj baze.
Projekti do të shndërrojë bazën në një bazë taktike të Aleancës brenda standardeve të saj. Në fjalën e mbajtur në nisje të punimeve, Kryeministri Edi Rama tha se kjo bazë do të jetë një mundësi e shkëlqyer për ushtrinë shqiptare në ngritjen e kapaciteteve kombëtare de modernizimin e forcave ajrore.
Po në këtë fjalim, Rama foli për një tjetër projekt që Shqipëria synon të përthithë po në kuadër të NATO-s.
“Jemi duke folur për një projekt për krijimin e një qendre ekselence të mbrojtjes kibernetike jo vetëm për Shqipërinë, por për gjithë NATO-n. Falë vullnetit, pozicionit strategjik dhe gjeografik për t’i dhënë Shqiëprisë një përmasë tjetër e mund ta bëjmë realitet këtë që sapo thashë. Ambicia jonë është që kjo stërvitje të lidhë çdo dy vjet veprimtarinë e FA në kuadër të NATO-s”, deklaroi ai.
Sa i takon investimit në Kuçovë, Rama foli edhe për ndikimin pozitiv joushtarak të tij.
“Do zbatohen 5 projekte të ndara në 3 paketa të rëndësishme financiare, që përveç përfitimeve në aspektin strategjik e ushtarak do të impaktohet dhe ekonomia dhe në aspektin social zona e Kuçovës do të ketë një përfitim si të ardhur nga qielli në këtë rast”, tha ai.
E pranishme në ceremoninë e nisjes së punës ishte edhe Ambasadorja e SHBA në Tiranë, Yuri Kim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje