.png)
Turqia ka pezulluar ciklin agresiv të uljes së normave të interesit me një inflacion që kërcënon të kalojë 40% muajt në vijim.
Banka qendrore uli normat e interesit 4 herë vetëm në muajt e fundit të vitit 2021 me urdhër të presidentit Recep Tayyip Erdogan.
Vendimi për të mbajtur të fiksuar normën nën 14% e lë atë shumë poshtë inflacionit që në muajin dhjetor ishte 36%.
Këmbëngulja e Erdogan, një kundërshtar i bindur i normave të larta të interesit, ndikoi në zhytjen e Lirës turke e cila ra me 45% kundrejt dollarit për të gjithë vitin 2021.
Analistët presin se monedha vendase do të dobësohet më tepër, mbështetur nga inflacioni që është i lidhur drejtpërdrejtë me produktet e importuara dhe energjisë. Ata kanë argumentuar se duhet patjetër të rriten normat e interesit që të parandalojnë rritjen e mëtejshme të çmimeve.
Duke shpallur vendimin e tij, komiteti i politikës monetare i bankës qendrore tha se pritet që inflacioni të bjerë “për shkak të masave të marra për të vendosur stabilitet të qëndrueshëm të çmimeve dhe stabilitet financiar”.
Burimi:Financial Times/Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje