.png)
Gazeta Si – Opozitari rus Aleksei Navalni u përfshi në listën e “terroristëve dhe ekstremistëve” të hartuar nga “Rosfinmonitoring”, Shërbimi Federal i Monitorimit Financiar.
Kështu raporton “Novaya Gazeta” në Rusi, ku sipa saj në listë u përfshinë edhe gjashtë bashkëpunëtorë të Navalnit, më i njohuri prej të cilëve është Lyubov Sobol.
Sipas autoriteteve ruse, pesë aktivistët dhe Navalni do të trajtohen njësoj me talebanët, apo ekstremistët e Shtetit Islamik. Sipas vendimit, edhe bashkëpunëtorët e Navalnit mund të arrestohen dhe të burgosen.
Sipas ligjeve të Rusisë, llogaritë bankare të tij dhe aktivistëve të tjerë do të bllokohen menjëherë. Dy javë më parë, në listën e terroristëve dhe ekstremistëve u shtuan dy bashkëpunëtorët e ngushtë të Navalnyt, Leonid Volkov dhe Ivan Zhdanov.
Kritiku i ashpër i Kremlinit, u arrestua pasi u kthye nga Gjermania në Rusi në 2020 pas helmimit me agjentin nervor “Noviçok”, për të cilin ai akuzon drejtpërsëdrejti presidentin rus Vladimir Putin.
Navalni, i cili formoi një fondacion antikorrupsion u dënua vitin e kaluar për shkelje të masës së lirimit me kusht që iu vu në 2014, pas një dënimi për përvetësim parash në mënyrë të parregullt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje